बलात्कारगरि नाबालिकाको हत्या

धनुषा । धनुषाको सबैला नगरपालिकाको कुसमाहा गाँउमा एक नाबालिकाको जबरजस्ती करणी गरी हत्या गरेको छ । बालिकाको जबरजस्ती करणी गरी घाँटी थिचेर हत्या गरेको धनुषाका नायब प्रहरी उपरीक्षक रञ्जन आबाले जानकारी दिनुभयो ।

उहाँका अनुसार हत्या गरी शव खाल्डोमा फालिएको फेला परेको छ । बालिका हराएको सूचना प्राप्त भएपछि प्रहरीले खोजी गर्दा घटना पत्ता लागेको जनाएको छ । बिहीबार राति ९ बजे सबैला नगरपालिका ९ स्थित मृतकको घरबाट एक किलोमिटर परको खाल्डोमा शव फेला परेको थियो ।

घटनाको अनुसन्धानमा संलग्न दुई जना युवकलाई पक्राउ गरी थप कारबाही अघि बढाइएको जनाएको छ । छिमेकीको विवाहमा गएकी उनी अबेर रातिसम्म घर नफर्केपछि उनको खोजी गरिएको थियो ।