काठमाडौं । गैरआवासीय नेपाली संघ (एनआरएनए) थाइल्याण्डले नवनियुक्त नेपाली राजदूत धनबहादुर वलीलाई स्वागत गरेको छ ।
बैंकको सुकुम्बित सोइ-५ स्थित बेलेरी होटेलमा शनिबार आयोजित समारोहमा एनआरएनए अध्यक्ष भविन्द्र बस्नेतले स्वागत गर्दै सफल कार्यकालको शुभकामना व्यक्त गरे । थाइल्याण्डमा अवस्थित नेपालीहरू नेपाली राजदूतावास र राजदूत वलीसँग सहकार्य गर्न तयार रहेको उनले प्रतिबद्वता जनाए ।
परराष्ट्र मन्त्रालयका सहसचिव रहेका वली पुस २ गते अर्थात डिसेम्बर १८ मा थाइल्याण्डका लागि नेपाली राजदूत नियुक्त भएका थिए ।
स्वागत समारोहमा राजदूत वलीले नेपाली डायस्पोराको हक हितका लागि प्रतिबद्व भएर काम गर्ने प्रतिबद्वता जनाए । उनले थाइल्याण्डमा आर्जन गरेको पुँजी र सीप मातृभूमिको विकास तथा समृद्विमा लगानी गर्न आह्वानसमेत गरे ।
राजदूत ओलीले थाइ नेपाली भाषीको समस्याबारे आफू जानकार रहेको भन्दै आफ्नो तहबाट सरकारसँग पहल गर्ने आश्वासन दिए ।
समारोहमा प्रतिष्ठित नेपाली व्यवसायी, विद्यार्थी, संघसंस्थाका प्रतिनिधिलगायत सहभागी थिए ।
संवाददाता
- लोकेन्द्र ओलीhttps://thailandnepal.com/author/lokendra-oli/
- लोकेन्द्र ओलीhttps://thailandnepal.com/author/lokendra-oli/
- लोकेन्द्र ओलीhttps://thailandnepal.com/author/lokendra-oli/
- लोकेन्द्र ओलीhttps://thailandnepal.com/author/lokendra-oli/
