धरौती रकम बुझाएसँगै छुटे खाण

काठमाडौं । नक्कली भुटानी शरणार्थी प्रकरणमा काराकार रहेका पूर्वगृहमन्त्री एवं नेपाली कांग्रेसका केन्द्रीय सदस्य बालकृष्ण खाण केन्‍द्रीय कारागारबाट छुट्नुभएको छ । शुक्रबार दिउँसो कारागारबाट छुटेर जिल्ला अदालत काठमाडौंमा लगिएको थियो । जिल्ला अदालतबाट छुटेर खाण सम्पत्ति शुद्धीकरण विभागमा जानुभएको थियो । त्यहाँबाट उहाँलाई अख्तियार दुरूपयोग अनुसन्धान आयोग टंगालमा लगिनेछ। अख्तियारबाट छुटेपछि भने उहाँ तारेखमा हुनुहुने छ । बिहीबार उच्च अदालत पाटनका न्यायाधीश कृष्णराम कोइरालाले उनलाई ३० लााख धरौटीमा छाड्न आदेश दिएको थिए । उच्च अदालतबाट जिल्ला अदालतमा मिसिल पठाएसँगै खाणका आफन्तले ३० लाख रुपैयाँ बराबरको बैंक ग्यारेण्‍टी बुझाएका छन् । मंसिर १५ गते उच्च अदालत पाटनका न्यायाधीशहरू जनक पाण्डे र प्रकाश खरेलबीच राय बाझिँदा कोइरालाको इजलासले निर्णय गरेको हो। प्रकाश खरेलले खाणलाई पुर्पक्षको लागि थुनामै राख्नुपर्ने राय दिएका थिए। तर जनक पाण्डेले उनलाई ३० लाख धरौटीमा छाड्नुपर्ने राय दिएका थिए।