रुकुमपश्चिम । रुकुम पश्चिमको चौरजहारी नगरपालिका १२ स्थित जनकल्याण माध्यमिक विद्यालय सानाखोलामा कम्प्युटर र विज्ञान ल्याब सञ्चालनमा ल्याईएको छ ।
विद्यालयको ६० औ बार्षिकोत्सवको अवसरमा विद्यालयमा २० वटा कम्प्युटरसहितको आईसिटी ल्याब र विज्ञान प्रयोगशाला सञ्चालनमा ल्याईएको हो ।
१७ लाख बराबरको आईसिटी ल्याब र ६ लाख ५० हजार रुपियाँमा विज्ञान प्रयोगशाला स्थापना गरिएको हो । चौरजहारी नगरपालिका र केआईएसके ईक्यूपको साझेदारीमा उक्त प्रयोगशाला सञ्चालनमा ल्याईएको हो ।
![](https://thailandnepal.com/wp-content/uploads/2024/05/received_316685248142960-1024x768.jpeg)
उक्त ल्याबको नगर प्रमुख पुष्प वादीले उद्घाटन गर्नु भयो । त्यस अवसरमा नगर प्रमुख बादीले विद्यार्थीहरुले किताबी ज्ञान मात्रै नभई प्रयोगात्मक सीपकालागि कम्प्युटर र विज्ञान ल्याब सञ्चालनमा ल्याईएको बताउनु भयो ।
त्यसले विद्यार्थीहरुको सिकाई सीपमा विकास हुने उहाँको भनाई छ । कार्यक्रममा चौरजहारी नगरपालिकाका निमित्त प्रमुख प्रशासकिय अधिकृत शेर प्रसाद ढकालले शिक्षामा प्रविधिको प्रयोगले समयसान्दर्भिक बनाउने बताउनु भयो।
![](https://thailandnepal.com/wp-content/uploads/2024/05/received_2573126562870315-1024x768.jpeg)
अहिलेको शिक्षा प्रबिधीमैत्री हुनुपर्ने समेत उहाँको भनाई थियो । विद्यालयका प्रधानाध्यापक झुपलाल शर्माले ल्याव र प्रयोगशाला स्थापनाले विद्यालयको शैक्षिक गुणस्तर बृद्धिमा महत्वपूर्ण सहयोग पुग्ने अपेक्षा गर्नु भयो । उक्त विद्यालय कक्षा १० सम्म सञ्चालित छ । जहाँ तीन सय विद्यार्थी अध्ययनरत छन् ।
![](https://thailandnepal.com/wp-content/uploads/2024/05/received_7489369677837898.jpeg)