कर्णालीका मुख्यमन्त्री यामलाल कँडेलले विश्वासको मत पाए,राप्रपा तटस्थ

काठमाडौँ। केन्द्रिय सत्तासमीकरण बदलिए सँगै फेरिएका प्रदेश सरकारका मुख्यमन्त्रीले विश्वाशको मत पाउने क्रम जारी छ। आज कर्णाली प्रदेशका मुख्यमन्त्री यामलाल कँडेलले विश्वासको मत पाउनु भएको छ ।

बिहीबारको प्रदेश सभामा कँडेलले २३ मत प्राप्त गर्नु भयो । कुल ४० सदस्यीय प्रदेश सभामा ३६ सांसद उपस्थित थिए ।जसमध्ये विश्वासको मतको पक्षमा २३, विपक्षमा १२ र १ मत तटस्थमा परेको छ ।कर्णाली प्रदेश सभामा नेपाली कांग्रेसका १४, नेकपा माओवादी केन्द्रका १३, नेकपा एमालेका १० जना सांसद छन् ।

कांग्रेसका एक सांसद निलम्बनमा परेका छन् । यसैगरी राप्रपा, एकीकृत समाजवादीका एकरएक र स्वतन्त्र एक सांसद छन् । राप्रपा तटस्थ बसेको छ । प्रदेश सभामा बहुमतका लागि २१ मत आवश्यक पर्छ ।