२५६८ औं बुद्ध जयन्तीको अवसर पारेर “बुद्ध गाथा” सार्वजनिक

२५६८ औं बुद्ध जयन्तीको अवसर पारेर गौतम बुद्धको जीवन गाथामा आधारित गीत “बुद्ध गाथा” सार्वजनिक गरेको छ ।

गीतकार कमानसिंह तामाङद्वारा रचित ‘बैशाखको पूर्णिमाको दिन थियो शुद्ध, जन्मिएछन् लुम्बिनीमा हाम्रा गौतम बुद्ध’ बोलको गीतमा गायक राजकुमार दोङ तामाङले स्वर र संगीत दिएका छन् ।

सरल शब्दमा बुद्धको बारेमा लेखिएको करिब एक्काईस मिनेट लामो गीतले बुद्धको जीवनीलाई व्याख्या गरेको छ ।

सो अवसरमा गायक राजकुमार दोङ तामाङले बुद्धको जीवन कथालाई गीतमार्फत प्रस्तुत गरिएको यस गीतलाई सुनेर हेरेर साथ दिनुहुन सम्पूर्ण संगीतप्रेमीमाझ आग्रह गर्नुभएको छ ।