अत्यधिक गर्मीका कारण बुटवलका विद्यालय दुईदिन बन्द

काठमाडौँ। अत्यधिक गर्मीका कारण बुटवल उपमहानगरपालिकाले नगर क्षेत्रका विद्यालयमा बिदा दिएको छ ।

वार्षिक कार्यतालिकामा रहेको बिदाबाट कटौती हुने गरी आज बिहीबार र शुक्रबार नगरपालिकाले विद्यालयहरूमा बिदा दिने निर्णय गरेको हो ।

गर्मी र तातो हावाका कारण विद्यार्थीको स्वास्थ्यमा गम्भीर असर पर्न सक्ने देखिएको भन्दै दुई दिन बिदा दिन निर्णय भएको उपमहानगरपालिकाले विज्ञप्तिमार्फत जनाएको छ ।