काठमाडौं । स्वघोषित सामाजिक अभियन्ता बताउने शर्मिला वाइबालाई प्रहरीले पक्राउ गरेको छ । अभियन्ताको नाममा व्यक्तीको निजी जीवनको बारेमा सिामाजिक सञ्जालहरुमा यत्रतत्र बनाउने वाइबालाई प्रहरीले पक्राउ गरेको हो ।
काठमाडौंमा उजुरी परेपछि सिन्धुपाल्चोक पुगेकी उनी त्यहीबाट पक्राउ परेकी हुन् । ब्ल्याकमेलिङ गरेको र कुटपिट तथा अङ्गभङ्ग मुद्दामा प्रहरीले बुधबार उनलाई बाह्रबिसेबाट पक्राउ गरेको हो ।
उनलाई प्रहरीले काठमाडौं ल्याउने तयारी गरेको छ । प्रहरी वृत्त महाराजगन्जमा उजुरी परेको थियो । हाँस्य कलाकार पवन खतिवडा ‘म्याकुरी’ की श्रीमती सुम्निमा खालिङले आफूलाई पवनले श्रीमतीको रूपमा घरमा पनि नराखेको र डिभोर्स पनि नदिएको आरोप लगाएकी थिइन् ।
त्यहि विषयमा शर्मिला वाइबालगायतले ‘म्याकुरी’लाई कुटपिट गरेको आरोप छ । एक युवतीलाई गर्भवती भएको नाटक गर्न लगाएर शर्मिलाले पवनलाई ब्ल्याकमेलिङ गरेको र सो भिडिओ देखाएर २५ लाख रुपैयाँ बार्गेनिङ गरेको म्याकुरीले आरोप लगाएका थिए ।
शर्मिलामाथि सीसीटीभी फुटेज दूरुपयोग गरेको समेत आरोप छ । अनुसन्धानको क्रममा सम्बन्धित अधिकारीले बाहेक अरूले सीसीटीभीको गोप्य फुटेज हेर्न, सार्वजनिक गर्न पाइँदैन । तर, शर्मिलाले पवनको भिडिओ युट्युबबाट सार्वजनिक गरेकी थिइन् । प्रहरीले काठमाडौं ल्याएर थप अनुसन्धान गर्ने बताएको छ ।
