गौर हत्याकाण्डसम्बन्धी मुद्दामा कारण देखाउ आदेश

काठमाडौँ । सर्वोच्च अदालतले गौर हत्याकाण्डसम्बन्धी मुद्दामा कारण देखाउ आदेश जारी गरेको छ ।

बुधबार सर्वोच्चका न्यायाधीश तिलप्रसाद श्रेष्ठको एकल इजलासले सो आदेश जारी गरेको हो ।

वि.सं. २०६४ चैत २७ गते तत्कालीन मधेशी जनअधिकार फोरम र नेकपा (माओवादी केन्द्र)का कार्यकर्ताबिचको झडपमा २८ जना माओवादी कार्यकर्ताकाे मृत्यु भएको थियो ।

जसलाई गौर हत्याकाण्डले चिनिन्छ । यस हत्याकाण्डविरुद्ध पीडित परिवारका तर्फबाट २०८० जेठ २१ गते त्रिभुवन साहले सर्वोच्च अदालतमा मुद्दा दर्ता गराउनुभएको थियो ।