काठमाडौँ । पेट्रोलियम पदार्थको मूल्य घटेकाे छ । नेपाल आयल निगमले पेट्रोलमा प्रतिलिटर तीन रुपियाँ र डिजेल तथा मट्टितेलमा प्रतिलिटर एक रुपियाँ घटाएको हो ।
निगम सञ्चालक समितिको बसेको बैठकको निर्णयअनुसार इन्धनको मूल्य घटाउने निर्णय भएको हो । निगमले घटाएको मूल्य शनिबार राति १२ बजेदेखि लागू भएको छ ।
मूल्य घटेसँगै पेट्रोलको मूल्य पहिलो वर्गअन्तर्गत चारआली, विराटनगर, जनकपुर, अमलेखगञ्ज, भलवारी, नेपालगञ्ज, धनगढी र वीरगञ्जमा एकसय ६२ रुपियाँ ५० पैसा, दोस्रो वर्गअन्तर्गत सुर्खेत र दाङमा एकसय ६४ र तेस्रो वर्गअन्तर्गत काठमाडौँ, पोखरा र दिपायलमा एकसय ६५ रुपियाँ मूल्य कायम भएको छ ।
त्यसैगरी डिजेल र मट्टितेलमा पहिलो वर्गअन्तर्गत एकसय ४९ रुपियाँ ५० पैसा, दोस्रो वर्गअन्तर्गत एकसय ५१ र तेस्रो वर्गअन्तर्गत एकसय ५२ रुपियाँ मूल्य कायम गरिएको निगमले जनाएको छ ।
सेयर: 3
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
