रुकुमपश्चिम । रुकुमपश्चिमको सानी भेरीगाउँपालिका वडा नं.८ मा भुकम्प प्रभावितकालागि आएको राहत वितरण नगरि गोदामै थन्काइएको अवस्थामा पाइएको छ ।
जाजरकोट—रुकुम भुकम्प प्रभावितका लागि विभिन्न निकायबाट प्राप्त तीस बोरा चामल, दाल, त्रिपाल तथा अन्य राहत सामग्री अहिले वडाको गोदाममा थन्काएको पाइएको हो ।
आज स्थानीयले गोदामको निरक्षण गर्दा राहत सामग्री वितरण नगरि यसै थन्काइएको भिडिओ सार्वजनिक गरेका छन् । एक स्थानीयले राहत वितरण नगरि गाउँपालिकाले गोदाममा थन्काएको भन्दै भिडिओ सार्वजनिक गरेका छन् । यता, वडा अध्यक्ष प्रेम बहादुर विकले राहत सामग्री अपुग भएकाले वितरण नभएको बताउनु भएको छ ।
उहाँले पर्सि सोमबार सर्वदलिय बैंठक बसि राहत वितरण गरिने बताउनुभयो । उहाँले वितरणमा कुनै राजनीतिक दल वा व्यक्ती विशेष नहुने बताउनुभयो । हामीले भुकम्प प्रभावितलाई राहत वितरण नगरि वडाको गोदाममा थन्काई राख्न मिल्छ ? भन्ने प्रश्नमा उहाँले, राहत अपुग भएकाले माग भएजतिका परिवारमा वितरण गर्न कठिन नसकेको बताउनुभयो ।
अहिले स्थानीयमा राहत वडाले थन्काइ राखेको भन्दै आलोचन भइरहेको छ । राहत निष्पक्षरुपमा वितरण गर्न माग गर्दै सामाजिक संजालमा विरोध भइरहेको छ ।
