थाइल्याण्ड । थाइल्याण्डमा नेपाली भाषीको हितकालागि काम गर्दै आइरहेको थाइ नेपाली संघका क्षेत्रीय शाखाहरुमा नयाँ नेतृत्व चयन प्रक्रिया औपचारिकतामा मात्रै सिमित हुने गरेको पाइएको छ ।
आइतबार थाइल्याण्डको बैंकक शाखामा नयाँ नेतृत्व चयन भएको छ । रामकुमार ढुंगानाको अध्यक्षतामा नयाँ कार्यसमिति सर्वसहमतिले चयन भएपनि पुर्ण पदाधिकारीहरुको नामवली सार्वजनिक गरिएको छैन् ।
शाखाको नेतृत्वमा ढुंगाना सहित कुन कुन सदस्यहरु छन् भन्ने विषय पनि जानकारी हुनुपर्ने भन्दै सामाजिक संजालमा आलोचना भइरहेको छ । विगतमा पनि केहि सिमित प्रतिनीधिको उपस्थिीतिमा नेतृत्व चयन हुने गरेको एक नेपाली भाषीले बताए ।
यता, सामाजिक संजाल मार्फत थाइ नेपाली संघ केन्द्रीय कमिटिले नयाँ समितिलाई बधाई दिदै आफ्नो जातियहरूको हित, सुरक्षा, शिक्षा, खेलकुद, साँस्कृतिक साथै संस्कृतिमा काम गर्न सुझाएको छ । शाखाका निवर्तमान अध्यक्ष लक्छुमन केसीले नयाँ नेतृत्वलाई पद हस्तान्तरण गर्नुभएको छ ।
