तुलसीपुर उपमहानगरले माग्यो निजि विद्यालयको शूल्क विवरण

दाङ,। दाङको तुलसीपुर उपमहानगरपालिकाले निजि विद्यालयबाट शूल्क विवरण माग गरेको छ ।

उपमहानगरपालिकाका शिक्षा महाशाखा प्रमुख चक्रबहादुर भण्डारीका अनुसार सबै निजि विद्यालयको भर्ना शूल्क, मासिक शूल्क,परीक्षा शूल्कको विवरण माग गरेको हो ।

१४ वैशाखमा शूल्क विवरण माग गरिएकोमा अहिलेसम्म ४२ वटा विद्यालयले विवरण पठाएका छन् । उपमहानगरपालिका भित्र ६८ वटा सामुदायिक विद्यालय हुन् । अझै २६ वटा विद्यालयले विवरण नबुझाएको प्रमुख भण्डारीले बताउनु भयो ।

उहाँका अनुसार एक हप्ता समय दिएर विवरण माग गरिएको हो । विवरण उपलब्ध नगराउने विद्यालयलाई ग्रेड बृद्धि रोक्ने तथा आईएमएस इन्ट्रि रोकिदिने समेत भण्डारीले जानकारी दिनु भयो ।

पछिल्लो समय निजि विद्यालयहरुले बढि शूल्क लिएको भन्दै अभिभावकहरुले गुनासो पोख्न थालेपछि विवरण माग गरिएको प्रमुख भण्डारीको भनाई छ ।