इलाम । पूर्वप्रधानमन्त्री तथा नेकपा एमाले अध्यक्ष केपी शर्मा ओलीले कोशीमा पहिचानको मुद्दा उठिरहेको बेला मूख्य पहिचान नेपाली भएको बताउनुभयो ।
धनी भए धनी नेपाली, गरिब भए गरिब नेपाली, व्यक्तिगत पहिचानले कोही सफल हुँदैन” उहाँले भन्नुभयो “पहिला पनि मेची, कोशी अञ्चल हुँदा त्यसरी नै त बाँडिएको थियो ।
यो ठूलो कुरा होइन, साझा नाम राख्दा केही बिग्रंदैन । एउटा जात र व्यक्तिको पहिचानले सबै समेटिंदैन । बहुजाती बहुभाषिक नेपाली हौं, एकअर्काको भाषा, संस्कृति, जातिलाई सम्मान गरौं, त्यो पहिचान हो ।” ओलीले चुनावअघि इलामको विकासको जिम्मा लिने प्रतिवद्धता जनाएको आफूलाई स्मरण रहेको र त्यो पूरा गर्ने बताउनु भयो ।
उहाँले राजनीतिक सीप एमालेसँग मात्र भएको बताउनुभएको छ । देशलाई समृद्ध बनाउन सक्ने शक्ति एमालेसँग भएकाले अर्थनीति, सुशासनको नीति, विकासको नीतिजस्ता हरेक क्षेत्रका नीति एमालेसँग रहेको दावी गर्नुभयो ।
इलाममा आयोजित निर्वाचन विजयी सभामा एमाले सय वर्षको हुँदासम्म हरेक क्षेत्रमा नेपाल समृद्ध भइसक्छ । एमालेको नेतृत्वमा नै देशको विकास हुन्छ” उहाँले भन्नुभयो ।
निर्वाचनताका सुहाङलाई विपक्षी नेताहरुले ‘राजाको छोरो’ भनेर टिप्पणी गरेकोप्रति उहाँले गुनासो गर्नुभयो । देशको हितका लागि विकासका लागि भोलिका दिनमा अन्य पार्टीसँग पनि सहकार्य हुन सक्ने उहाँको बताउनुभयो ।
