बझाङ । बझाङ क्षेत्र नम्बर १ (क)मा नेपाली कांग्रेसको अग्रता कायमै रहेको छ । सोमबार बिहानको मतगणना अनुसार कांग्रेस उम्मेदवार अभिषेकबहादुर सिंहले आठ हजार ९७७ मत प्राप्त गर्नुभएको छ ।
उहाँका प्रतिस्पर्धी नेकपा (एमाले)का उम्मेदवार दमनबहादुर भण्डारीले आठ हजार ६९३ मत ल्याउनुभएको छ । कांग्रेसका सिंह २८४ मतले अगाडि हुनुहुन्छ ।
यसैगरी, नेकपा (माओवादी केन्द्र)का उम्मेदवार जनकबहादुर बुढाले तीन हजार ४६९ र नेकपा (एकीकृत समाजवादी)का उम्मेदवार दिलबहादुर सिंहले दुई ३०४ मत प्राप्त गर्नुभएको छ ।
यो बझाङको जनपा, खप्तडछान्ना, छविसपाथिभेरा, थलारा ९ र सुर्मा गाउँपालिका र मस्टा गाउपालिका १, २, ३, ४ , ५ र ६ को अन्तिम मतपरिणाम हो ।
अब मस्टा ७, तल्कोट गाउँपालिका र साइपाल गाउँपालिका मतगणना हुन बाँकी छ ।
सेयर: 5
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
