एनपीएल क्रिकेटको पहिलो दिन ः जनकपुर बोल्ट्सले टस जित्यो

काठमाडौं । सिद्धार्थ बैंक नेपाल प्रिमियर लिग(एनपीएल) क्रिकेट आज(शनिबार)बाट सुरु भएको छ । सुरु भएको एनपीएल क्रिकेट अन्तर्गत आजको हुने खेलमा जनकपुर बोल्ट्सले टस जितेर बलिङ रोजेको छ । जनकपुरका कप्तान अनिल शाहले टस जितेर बलिङ रोजेसँगै विराटनगरले पहिले ब्याटिङ गर्दैछ ।
लिगको पहिलो दिन विराटनगर किंग्स र जनकपुर बोल्ट्स आमनेसामने भएका छन् । नेपाल क्रिकेट संघ(क्यान) को आयोजनामा इतिहासमा नै पहिलो पटक आयोजना हुन लागेको प्रतियोगितामा दुवै टिम जितका साथ सुरुवात गर्ने लक्ष्यमा छन् । विराटनगर किंग्स सन्दीप लामिछानेको कप्तानमा मैदान उत्रदै गर्दा जनकपुरको कप्तानी अनिल शाहले गरेका छन् ।
पुस ६ गतेसम्म चल्ने प्रतियोगितामा ८ टोलीको सहभागीता रहेको छ । लिगमा कुल ३२ खेल आयोजना हनेछन् । लिगका सबै खेल कीर्तिपुरमा रहेको टियु मैदानमा नै हुनेछ ।