जापानी विदेशमन्त्री योको पहिलो नेपाल भ्रमण, द्विपक्षीय सम्बन्धमा छलफल हुने

काठमाडौं । जापानी विदेशमन्त्री योको कामिकावा एक दिने भ्रमणका लागि आइतबार नेपाल आउनुभएको छ । उहाँ श्रीलंकाको कोलम्बोबाट काठमाडौं आउनुभएको हो ।

दक्षिण एसिया भ्रमणपछि जापान फर्कने कार्यक्रम छ । उहाँको यो पहिलो नेपाल भ्रमण हो । भ्रमणमा जापानी विदेशमन्त्री योकोले उपप्रधान तथा परराष्ट्रमन्त्री नारायणकाजी श्रेष्ठसँग प्रतिनिधिमण्डलका तहमा भेटवार्ता गर्नुभयो ।

उक्त अवसरमा ती भेटवार्तामा दुई मुलुकबीचको सम्बन्धको समीक्षासँगै आगामी यात्राको बारेमा छलफल गरिने गृहकार्य भएको परराष्ट्र मन्त्रालयले जनाएको छ ।

त्यसपछि राष्ट्रपति रामचन्द्र पौडेल र प्रधानमन्त्री पुष्पकमल दाहालसँग शिष्टाचार भेटवार्ता गर्ने कार्यक्रम रहेको छ । जापानी विदेशमन्त्रीज्यूको नेपाल भ्रमणका दौरान नेपाल र जापानबीचको सबै द्विपक्षीय सम्बन्धका बारेमा छलफल हुनेछ ।