रुकुम पश्चिम !
रुकुम पश्चिमको चौरजहारी न.पा ११ मा संचालित काग तिहार बिशेष मेलाको अवसरमा आयोजित खुला वडा स्तरीय भलिबको उपाधी स्यार्पु दह युनाइटेड बाफिकोट गाउपालिकाले जितेको छ ।
शनिवार सम्पन्न प्रतियोगितामा दार्मा गा.पा 3 लाई 2-0 को सोझो सेटमा पराजित गर्दै सो उपाधी हात पारेको हो । त्यसै गरि दार्मा गा.पा 3 ले द्दितिय स्थान हात पारेको छ भने बागचौर न.पा 3 ले तृतीय स्थान हासिल गरेको छ ।
बिजेता टिमले क्रमश ५००००(पचास हजार),३००००(तीस हजार)र २००००(बीस हजार) सहित ट्रफी,मेडल र प्रमाण पत्र प्राप्त गरेका छन ।
अध्यक्ष लोकेश मल्लका अनुसार परम्परागत रुपमा लाग्दै आएको काग तिहार मेलाको अवसरमा भलिबलका अतिरिक्त स्लो बाइक रेस र रस्साकस्सी खेल संचालन गरिएको छ । स्लो बाइक रेस प्रतियोगितामा सक्सेस गिरिले उपाधी हात पारेका छन , भने रस्साकस्सिमा आयोजक चौरजहारी न.पा ११ ले प्रथम स्थान हासिल गरेको छ ।
मेला कार्तिक १४ गते काग तिहारको दिनबाट सुरु भएकोमा आज एक कार्यक्रमका बिच समापन गरिएको हो ।
