थापाथलीबाट बच्चा चोरी आरोपमा पक्राउ परेकी महिलाविरुद्ध अपहरणको मुद्दा

काठमाडौं । थापाथलीस्थित परोपकार प्रसूति गृह तथा स्त्री रोग अस्पतालबाट गत ११ फागुनमा शिशु चोरी गरेको आरोप लागेकी महिलाविरुद्ध अपहरणको मुद्दा दर्ता भएको छ ।

मानकुमारीले चोरी गरेर लगेको आरोप छ । काभ्रेकी एक जना महिलाको २६ दिनको शिशु चोरेको आरोपमा पक्राउ परेकी महिलाविरुद्ध मुद्दा दर्ता भएको हो ।

बच्चा चोरीको आरोपमा पक्राउ परेकी दैलेखको महाबु गाउँपालिका–६ कि मानकुमारी सिंहविरुद्ध जिल्ला अदालत काठमाडौंमा मुद्दा दायर भएको हो ।

न्यायाधीश माधव प्रसाद अधिकारीको इजलासमा मानकुमारीको बयान भइरहेको छ । काठमाडौंको कागेश्वर मनोहरा बस्दै आएकी २७ वर्षीया मानकुमारीविरुद्ध अपहरण तथा शरीर बन्धकको कसुरमा मुद्दा दायर भएको जिल्ला प्रहरी परिसर काठमाडौंको मुद्दा शाखाले जनाएको छ ।