लण्डन । लण्डन स्टेडियममा खेलिएको मैत्रीपूर्ण खेलमा स्पेन दक्षिण अमेरिकी टोली कोलम्बियासँग पराजित भएको छ । क्रिस्टल प्यालेसका डिफेन्डर ड्यानियल मुनोजले गोल गर्दा स्पेन ०–१ गोलअन्तरले स्तब्ध बन्यो ।
मुनोजले खेलको ६१ औँ मिनेटमा निर्णायक गोल गरेका थिए । लिभरपुलका लुइस डियाजको पासमा उनले एक्रोबेटिक भलीमार्फत गोल गर्दै टोलीलाई जीत दिलाए ।
सन् २०१६ जर्जियासँग पराजित भएयता मैत्रीपूर्ण खेलमा स्पेनको यो पहिलो पराजय थियो । खेलमा स्पेनले तीन जना नयाँ खेलाडीलाई अवसर दिएको थियो, जसमा बार्सिलोनाका १७ वर्षीय डिफेन्डर पाउ कुबार्सी रहेका थिए ।
त्यस्तै रियल सोसिडाडका गोलकिपर एलेक्स रेमिरो र एथ्लेटिक बिल्बाओका डिफेन्डर ड्यानियल भियिानले पनि स्पेनका लागि डेब्यू गरे ।
सेयर: 3
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
