भूकम्प प्रभावित क्षेत्र कर्णालीमा माओवादीले तीन हजार बढी भोलेन्टियर खटाउने

जाजरकोट ३ मंसिर भूकम्प प्रभावित क्षेत्रमा नेकपा (माओवादी केन्द्र) कर्णाली प्रदेशले तीन हजार एक सय भोलेन्टियर खटाउने भएको छ । शनिबार बसेको कर्णाली प्रदेश विशेष रूपान्तरण अभियानको समीक्षात्मक बैठकले उक्त निर्णय गरेको हो ।
यसअघिको बैठकले २१ सयसम्म खटाउने निर्णय गरे पनि शनिबारको बैठकले त्यसलाई परिमार्जन गरेको थियो । अस्थायी आवास तथा पुनर्निर्माण कार्यमा सहयोग गर्ने प्रभावित क्षेत्रमा खटिनेहरूने माओवादी केन्द्रका प्रदेश अध्यक्ष विमला केसीले जानकारि गराउनुभयो । उहाका अनुसार उक्त सङ्ख्या प्रदेशभित्रको मात्रैको लागि हो । प्रत्येक जिल्लाहरुबाट टोली प्रभावित क्षेत्रमा परिचालन गरिने छ । यद्यपि कसको नेतृत्वमा पठाउने भन्ने विषयमा अबको केही दिनमै टुङ्गो लाग्ने र तत्काल प्रभावित क्षेत्रमा भोलेन्टियरहरूलाई परिचालन गरिने निर्णय प्रदेश कमिटीले गरेको छ ।