काठमाडाैँ, मंसिर १५, २०८१ – White Creation Group द्वारा आयोजित विशेष सम्मान कार्यक्रम भव्य रूपमा सम्पन्न भएको छ। कार्यक्रममा सुपर वेल्टरवेट र मिडलवेट व्यावसायिक किक बक्सिङका विश्व च्याम्पियन खेलाडीहरूको उत्कृष्टता र योगदानलाई सम्मान गरिएको थियो।
यस विशेष अवसरमा अन्तर्राष्ट्रिय स्तरका किक बक्सिङ खेलाडी अविरल घिमिरे (जसलाई हिमालयन चितुवा भनेर पनि चिनिन्छ) लाई सम्मान गरियो। उनको उल्लेखनीय उपलब्धि र खेलकुद क्षेत्रमा पुर्याएको योगदानको कदर गर्दै आयोजकले उनलाई उज्ज्वल भविष्यको कामना सहित सम्मान पत्र र शुभकामना प्रदान गरे।
कार्यक्रमले खेलकुदको महत्व र यसको प्रोत्साहनमा एउटा ऐतिहासिक उदाहरण प्रस्तुत गरेको छ। अविरल घिमिरेले आफ्नो सम्बोधनमा युवापुस्तालाई खेलकुदमा योगदान दिन र आफ्नो लक्ष्यप्रति प्रतिबद्ध रहन प्रेरित गरे।
सुपर वेल्टरवेट र मिडलवेट प्रतिस्पर्धाहरूले कार्यक्रममा रोमाञ्चकता थपेका थिए। यो कार्यक्रममा दर्शकहरूको उल्लेखनीय उपस्थिति देखिएको थियो, जसले नेपाली खेलकुदप्रति ठूलो समर्थन र चासोको प्रमाण प्रस्तुत गर्यो।
White Creation Group ले यस प्रकारका कार्यक्रमहरू भविष्यमा पनि निरन्तर आयोजना गर्दै जाने र नयाँ खेलाडीहरूको प्रतिभालाई प्रोत्साहन गर्ने प्रतिवद्धता जनाएको छ। कार्यक्रमले खेलकुद क्षेत्रलाई थप उज्यालो बनाउने विश्वास गरिएको छ।
