काठमाडौं । गायक बादल लिम्बुले नयाँ गीत ‘सोल्टिनी’ ल्याएका छन् । गीतकार शान्ति लिम्बुले लेखेको लोक शैलीको यो गीतमा बादल स्वयम्ले संगीत भरेका छन् ।
भ्यालेन्टाइन्स डेको अवसरमा सार्वजनिक भएको यो गीतको भिडियोमा चर्चित जुम्ल्याहा कलाकार गंगा लिम्बु र जमुना लिम्बु सोल्टिनीको भूमिकामा फिचर्ड छन् । उनीहरुसँगै भिडियोमा गायक बादलसँगै कलाकार भूपु लिम्बुको पनि अभिनय छ । ‘यो रोमान्टिक शैलीको प्रेम गीत हो । गीतमा लिम्बु संस्कृतिको लय झल्किएको अनुभूति गर्न सकिन्छ,’ गायक लिम्बुले भने ।
उदयराज पौडेलको एरेन्ज, अनिल रानाको सम्पादन रहेको यो गीतको भिडियोको छायांकन र निर्देशन किरन राईले गरेका हुन् । गीतलाई मुन्धुम स्टुडियोले सार्वजनिक गरेको हो ।
Recent Visitors: 29
तपाईको प्रतिक्रिया के छ?
+1
3
+1
1
+1
+1
+1
+1
+1
