पहिरोले कर्णाली राजमार्ग अवरुद्ध 

काठमाडौं । पहिरोले कर्णाली राजमार्ग अवरुद्ध भएको छ ।

गएरातिको अविरल वर्षापछि कर्णाली राजमार्गअन्तर्गत कालीकोटको शुभकालिका गाउँपालिका–१ स्थित गगनेखोला र एसमोडमा पहिरो गएपछि सडक पूर्ण रुपमा अवरुद्ध भएको सडक डिभिजन कार्यालयका जुम्लाले जनाएको छ ।

उक्त राजमार्गमा निरन्तर पहिरो खस्दा आवागमनमा कठिनाइ भएको छ । सडक डिभिजन कार्यालयले सडकको अवस्था बुझेर मात्र यात्रा गर्न यात्रुहरुमा अनुरोध गरेको छ ।

लगातार भारी वर्षा भइरहेकाले पहिरो पन्छाउन समस्या भएको प्रहरीले जनाएको छ । अहिले पहिरो पन्छ्याउने कार्य भइरहेको भएपनि यात्रुहरु समस्यामा परेका छन् ।