थाइल्याण्ड । थाइल्याण्डका लागि नेपाली राजदूत धनबहादुर ओली र महिदोल विश्वविद्यालयका अन्तर्राष्ट्रिय सम्बन्ध तथा कर्पोरेट कम्युनिकेशनका उपाध्यक्ष प्रा.सज्जरक्स धिरथितीबीच भेटवार्ता भएको छ ।
राजदुतावासमा भएको भेटमा नेपालका विश्वविद्यालय, शैक्षिक संस्थानहरूबीचको सहकार्यका सम्भावनाहरूबारे छलफल भएको थियो ।
भेटमा राजदूत ओलीले नेपालले पछिल्लो समय शैक्षिक क्षेत्रमा उल्लेखनिय प्रगति गरेकाले संभावनाको खोजिमा यहाँका विश्वविद्यालयबीचको सहकार्य महत्वपूर्ण हुने बताउनुभयो ।
उहाँले दुबै देशलाई शैक्षिक गन्तव्यका रुपमा विकास गर्न सके थप महत्वपूर्ण हुने बताउनुभएको थाइल्याण्ड स्थीत दुतावास सचिवालयले जनाएको छ ।
राजदूत ओलीले यसअघि पनि शैक्षिक गन्तव्यको खोजिकालागि त्यहाँको विश्वविद्यालयका प्रतिनिधीहरुसँग छलफल गर्नुभएको थियो । भेटमा राजदूत ओलीले प्राध्यापकलाई नेपाली ढाका टोली लगाइदिएर स्वागत गर्नुभएको थियो ।
