काठमाडौं । प्रतिनिधि सभाको शिक्षा, स्वास्थ्य तथा सूचना प्रविधि समितिले एनसेल शेयर खरिद बिक्रीबारे छलफल गर्न बैठक बोलाएको छ । बैठक बिहीबार बिहान साढे १० बजे बोलाइएको छ ।
एनसेल शेयर खरिद बिक्रीका विषयमा छलफल चलाउने यो चौथो समिति हो । यसअगाडि नै प्रतिनिधि सभाको सार्वजनिक लेखा समिति, राज्य व्यवस्था तथा सुशासन समिति र अर्थ समितिले यो विषयमा छलफल गरिसकेका छन् ।
सूचना प्रविधि मन्त्रालय आफ्नो समितिको कार्यक्षेत्रभित्र रहेकोले शिक्षा, स्वास्थ्य तथा सूचना प्रविधि समिति सचिवालयले बताएको छ । ‘संचार मन्त्रालय हाम्रो समितिको कार्यक्षेत्रभित्र रहेको छ ।
त्यसकारण छलफल गर्न लागिएको हो’, समिति सचिव निर्मलादेवी लामिछाने बताउनुभयो । उहाँका अनुसार छलफलमा सञ्चारमन्त्री रेखा शर्मा, नेपाल दुरसञ्चार प्राधिकरण, नेपाल टेलिकम, कम्पनी रजिष्टारको कार्यालयका अधिकारीहरुलाई छलफलमा बोलाइएको छ ।
