बैंकक, थाइल्याण्ड – आउँदो अक्टोबर २०, २०२४ मा जी-४ इन्टरटेन्मेन्टले थाइल्याण्डमा चर्चित नेपाली र्याप गायक भिटेनलाई प्रस्तुत गर्दैछ। सुमधुर बीट्स र सशक्त शब्दहरूको संयोजनबाट युवाहरूको मन जित्न सफल भिटेन आफ्नो विशेष प्रस्तुति दिन थाइल्याण्ड आउँदैछन्।
यो विशेष कार्यक्रम स्पाइसी क्लब फेचबुरी १५ मा आयोजना गरिनेछ, जुन पहिले गल्तीले स्पाइसी क्लब फेचबुरी १८ भनेर घोषणा गरिएको थियो। दर्शकहरूले भिटेनको उत्कृष्ट प्रस्तुति र माहौलको मजा लिन पाउनेछन्।
कार्यक्रमका लागि टिकट मूल्य ७९९ थाई भाट निर्धारण गरिएको छ। टिकटको जानकारीका लागि संजय प्रधानलाई ०६१-८१५-३७४५ वा जोनसन लामालाई ०९७-२०८-९४८१ मा सम्पर्क गर्न सक्नुहुन्छ।
हाल म्यान्मारमा भइरहेको द्वन्द्वले हजारौं नेपालीभाषीहरूलाई प्रभावित पारेको छ। यस्तो आपतकालीन परिस्थितिका बावजुद पनि जी-४ इन्टरटेन्मेन्टले कार्यक्रम निर्धारित समयमा नै सञ्चालन गर्ने प्रतिबद्धता जनाएको छ। जी-४ इन्टरटेन्मेन्टका प्रतिनिधि संजय प्रधानले भने, “म्यान्मारको कठिन आपतकालीन परिस्थितिले हामीलाई दुःखी बनाएको छ, तर हामीले यसअघि नै गरेको वाचाअनुसार कार्यक्रम यथावत् आयोजना गर्नेछौं।”
यो प्रस्तुति केवल एक कन्सर्ट मात्र होइन, यो संगीत, जीवन र सहनशीलताको उत्सव हो। भिटेनको ऊर्जा र शैलीलाई प्रत्यक्ष अनुभव गर्न र संगीतको आनन्द लिनका लागि सबैलाई यस विशेष कार्यक्रममा सहभागी हुन हार्दिक निमन्त्रणा गरिएको छ।
