थाइल्याण्ड । म्यानमारका केहि क्षेत्रहरुमा हिंसात्मक घटनाहरु भइरहेका छन् । यहाँका स्थानीय संचारमाध्ययमहरुले सैनिक कारबाहीमा स्थानीय नागरिकको ज्यान गएको उल्लेख गरेका छन् ।
बम विष्फोटमा आज बिहान एक नागरिकको मृत्यु भएको छ, भने ४ घर ध्वस्त भएका छन् । सैनिक कारबाहीमा धार्मिक भवनहरूमा क्षती पुगेको स्थानीय संचार माध्ययमले जनाएका छन् ।
साथै, सेनाले केहि स्थानीयहरुको सवारी साधन जफत गर्ने र नागरिकहरुलाई पक्राउ गरिरहेको छ । सेनाको सो कार्य क्रूर भएको भन्दै नागरिकहरुले विरोध गरिरहेका छन् ।
स्थानीय अधिकारीहरुले घटनाका विषयमा छलफल आवश्यक रहेको जनाइरहेका छन् । तर, वार्ता वा छलफलको कुनै सम्भावना नभएको बताइएको छ । आज मध्यान्ह पनि सेनाले होपोन टाउनसिपको म्यानल ताउङ क्षेत्रमा रहेको पिन्ल्यान गुम्बामा ४ पटक बम प्रहार गरेको थियो ।
त्यहाँ कुनै हिंसाको अवस्था नभएको तर, सेनाले आफुखुशी मठमा बम विष्फोट गराएको आरोप छ । गुम्बाभित्र मानिस नभएका कारण कुनै मानविय क्षति नभएको स्थानीयको भनाई छ ।
