सभामुख घिमिरेद्धारा कानूनमन्त्रीसहित दलका प्रमुख सचेतकहरुको बैठक आह्वान

काठमाडौँ । सभामुख देवराज घिमिरेले नीति तथा कार्यक्रमको तयारी  र संसद अवरोध लगायतका विषयमा छलफल गर्न राजनीतिक दलका प्रमुख सचेतक र सचेतकहरूको बैठक बोलाउनु भएको छ । 

सभामुख घिमिरेले नीति तथा कार्यक्रमको तयारी लगायतका विषयमा छलफल गर्न आज दिउँसो २ बजे सिंहदरबारस्थित कार्यकक्षमा कानुन, न्याय तथा संसदीय मामिला मन्त्री सहित प्रमुख दलका प्रमुख सचेतक र सचेतकहरुको बैठक बलाउनु भएको हो ।

आगामी जेठ १ गते ३ः०० बजे सरकारको आगामी आर्थिक वर्षको नीति तथा कार्यक्रम प्रस्तुत गर्नका लागि संघीय संसदको दुबै सभाको संयुक्त बैठक बोलाइएको छ ।