एकीकृत समाजवादीको केन्द्रीय कमिटी बैठक आजपनि जारी

काठमाडौं । नेकपा एकीकृत समाजवादीको केन्द्रीय कमिटी बैठक आजपनि जारी छ । बैठकमा पार्टीको विधान संशोधन र आगामी महाधिवेशनबारे छलफल केन्द्रीत छ । हिजोबाट सुरु बैठक भोलीसम्म चल्ने छ । बैठकमा केन्द्रिय कमिटीका सदस्यहरुले दिएको सुझाव अनुसार नयाँ विधानको मस्यौदा तयार गर्ने पार्टीका प्रवक्ता जगन्नाथ खतिवडाले जानकारी दिनुभयो । एकीकृत समाजवादीले नयाँ मस्यौदा गरिएको विधान पारित गर्न आगामी माघ १४ र १५ गते काठमाडौँमा केन्द्रिय परिषद् बैठक पनि बोलाएको छ । केन्द्रिय परिषदबाट पारित विधान अनुसार आगामी जेठ ३ देखि ७ सम्म राष्ट्रिय महाधिवेशन गर्ने नेकपा एकीकृत समाजवादीले जनाएको छ ।