जनकपुरधाम । मधेश सरकारले माघ ३ गते स्वाभिमान दिवस मनाउने भएको छ । माघ ३ गतेको दिनलाई स्वाभिमान दिवस मनाउने हिजो बसेको मन्त्रीपरिषद्ले निर्णय गरेको मधेश प्रदेश सरकारले जनाएको छ ।
२०७८ साल माघ ३ गते तत्कालीन ‘प्रदेश नं. २’ को ठाउँ “मधेश प्रदेश” नामाकरण गर्नुका साथै स्थायी राजधानी जनकपुरधाम राख्ने निर्णय प्रदेशसभाको बैठकको दुई तिहाइ भन्दा बढी मतले पास गरेको थियो ।
त्यस दिनलाई प्रदेश सरकारले स्वाभिमान दिवसको रुपमा मनाउने निर्णय गरेको मधेश सरकारका प्रवक्ता समेत रहनुभएका गृह, सञ्चार तथा कानुन मन्त्री मोहम्मद समिमले जानकारी दिनुभयो ।
त्यस्तै माघ ५ गते मधेश सरकारले बलिदानी दिवस मनाउने र त्यस अवसरमा मधेश आन्दोलनका सहित परिवार र घाइतेलाई आर्थिक सहयोग गर्ने निर्णय मन्त्रीपरिषद्को बैठकले गरेको गृहमन्त्री समिमले जानकारी दिनुभयो ।
Recent Visitors: 0
तपाईको प्रतिक्रिया के छ?
+1
+1
+1
+1
+1
+1
+1
