हिउँदे अधिवेशन बढीभन्दा बढी विधेयक पारित गर्नमा केन्द्रित हुन्छःप्रधानमन्त्री दाहाल

काठमाडौं । प्रधानमन्त्री पुष्पकमल दाहालले संघीय संसद्को सोमबारबाट सुरु भएको हिउँदे अधिवेशन बढीभन्दा बढी विधेयक पारित गर्नमा केन्द्रित हुने बताउनुभएको छ ।

प्रतिनिधिसभाको बैठकपछि सञ्चारकर्मीहरूलाई संघीय संसद् भवन नयाँ बानेश्वरमा संक्षिप्त प्रतिक्रिया दिँदै प्रधानमन्त्री दाहालले संसदको चालु अधिवेशनमा बढीभन्दा बढी विधेयक ल्याउने र पारित गर्ने कुरामा केन्द्रित हुने बताउनुभयो ।

संसद् अधिवेशनको सुरुवात राम्रो वातावरणमा सुरु भएको बताउँदै प्रधानमन्त्री दाहालले सोहीअनुसार अगाडि बढ्ने प्रतिवद्धता जनाउनुभएको छ ।