तनहुँ दुर्घटना : मृतकको संख्या २५ पुग्यो

काठमाडौँ : तनहुँको आँबुखैरेनी गाउँपालिका वडा नम्बर २ ऐनापहाराबाट मर्स्याङदी नदीमा खसेर भएको भारतीय बस दुर्घटनामा मृत्यु हुनेको संख्या २५ पुगेको छ।

गण्डकी प्रदेश प्रहरी कार्यालयका प्रहरी नायब उपरीक्षक दीपकबहादुर केसीले २५ जनाको मृत्यु पुष्टि गर्दै २ जना च्यापिएकालाई भर्खरै उद्धार गरी अस्पताल पठाइएको थाहाखबरलाई बताए। उनले २ जनाको मृत्यु पुष्टि नभएको तर अवस्था गम्भिर रहेको जानकारी दिए।