महिला माथी हँसिया प्रहार गर्ने भिमसेन मल्ल पक्राउ

रुकुम पश्चिम । जिल्लाको सानीभेरी गाउँपालिका ४ निवासी ३५ वर्षिया कालिका देवी मल्ललाई धारिलो हँसिया प्रहार गर्ने सोही गाउँका २२ वर्षिय भिमसेन मल्ल पक्राउ परेका छन् ।

महिला माथी हँसिया प्रहार गर्ने मल्ललाई २४ घण्टा नबित्दै जाजरकोटको रिम्नाबाट पक्राउ गरिएको जिल्ला प्रहरी कार्यालय रुकुम पश्चिमका प्रहरी नायव उपरिक्षक नवराज पोखरेलले जानकारी दिनुभयो ।

उहाँका अनुसार कालिका देवीमाथी बिहिबार बेलुका स्थानीय गारछाला भन्ने स्थानमा गिट्टी कुटिरहेको बेला पछाडिबाट धारिलो हँसिया प्रहार भएको थियो ।

हँसिया प्रहारबाट कालिका देवीको दाहिने कानको पछाडिको भाग काटिएको जिल्ला प्रहरी कार्यालय रुकुम पश्चिमले बताएको छ । घाईते कालिका देवीको मिसन अस्पताल चौरजहारीमा सामान्य उपचार पश्चात नर्सिङहोम नेपालगन्जमा मा उपचार भैरहेको छ ।