बैंकक । थाइ नेपाली संघको सातौं महाधिवेशन बैंककमा शनिवारबाट सुरुभएको छ । महाधिवेशनले आज आइतबार नयाँ नेतृत्व चयन गर्ने छ ।
शनिवारबाट थाइल्याण्डको बैंककमा सुरुभएको महाधिवेशनमा अहिले केन्द्रीय पदाधिकारी तथा विभिन्न विभागका संयोजकहरुले आआफ्नो अनुभव सुनाइँ रहेका छन् ।
वर्तमान अध्यक्ष वासना राईले थाइ नेपाली संघको नेतृत्व गर्ने अवसरकालागि धन्यवाद दिदै थाइ नेपाली संघ जस्तो एक उच्च संस्थाको अध्यक्ष भइ काम गर्न पाएकोमा खुशी व्यक्त गर्नुभयो ।
उहाँले थाइ नेपाली संघको नेतृत्व महिलाले गर्न पाउनु सबै भन्दा ठुलो अवसरको विषय भएको भन्दै थाइ नेपाली संघमा आवद्ध सदस्यहरुमा आभार व्यक्त गर्नुभयो ।
संघको महाधिवेशनकालागि विश्वका विभिन्न देशहरुबाट पाहुनाहरुको आगमन भएको छ । संघले आजै आगामि कार्यकालकालागि नयाँ नेतृत्व चयन गर्ने छ । शनिवार उद्घाटन कार्यक्रममा थाइल्याण्डका नेपाली राजदूत धनबहादुर ओली लगायतका व्यक्तीहरुको उपस्थिती रहेको थियो ।
