रुकुम पश्चिम । जिल्लाको सानीभेरी गाउँपालिका ४ निवासी ४१ वर्षिया कालिका देवी मल्लमाथि बिहिबार बेलुका स्थानीय एक पुरुषले हँसिया प्रहार गरेका छन् ।
स्थानीय गारछाला भन्ने स्थानमा गिट्टी कुटिरहेको समयमा पछाडिबाट सोहि गाउँका भिमसेन मल्लले धारिलो हँसिया प्रहार गरेका थिए । हँसिया प्रहारबाट घाईते मल्लको चौरजहारी अस्पताल सामान्य उपचारपछि बिहिबार राती नै थप उपचारको लागि नेपालगञ्ज ल्याईएको घाईतेकी मल्लकी नन्द लक्ष्मी मल्लले बताउनुभयो ।
भाउजुको घाँटि छुट्याउने नियतका साथ हतियार प्रहार भएको उहाँको भनाई छ । हँसिया प्रहारबाट मल्लको घाँटि नजिकको भागमा गहिरो चोट लागेको छ ।
हँसिया प्रहार गर्ने मल्लले यसअघि घाईतेका परिवारका महिलाहरुलाई हातपात गरेका थिए । घटना स्थानीय प्रहरीमा मेलमिलाप भएको थियो । घटनामा संलग्न भिमसेन फरार रहेको र उनको खोजि भईरहेको जिल्ला प्रहरी कार्यालय रुकुम पश्चिमले जनाएको छ ।
