काठमाडौं । उपनिर्वाचनमा पार्टीका तर्फबाट उम्मेदवारको टुंगो नलागेपछि आज पनि नेपाली कांग्रेसको कार्यसम्पादन समिति बैठक बस्दैछ ।
यसअघि हिजो साँझ बसेको बैठकमा सभापति शेरबहादुर देउवा र शेखर–गगन पक्षबिच उम्मेदवार चयनमा विवाद भएपछि कुनै निर्णय लिइएको थिएन ।
सभापति देउवाले बैठकमा इलाम–२ मा डम्बर खड्का र बझाङको प्रदेशसभा निर्वाचन क्षेत्र १ मा अभिषेक सिंहलाई उम्मेदवारका रूपमा प्रस्ताव गर्नुभएको छ ।
सभापति देउवाको प्रस्तावमा नेता शेखर कोइराला र महामन्त्री गगन थापाले असहमति जनाएपछि उम्मेदवारको टुङ्गो लाग्न नसकेको हो ।
कांग्रेस प्रवक्ता प्रकाशशरण महतका अनुसार आज दिउँसो २ बजे उम्मेदवार टुङ्ग्याउन पुनः बैठक बस्नेछ । कार्यसम्पादन समिति बैठकको निर्णय अनुमोदन गर्न अपराह्न ४ बजे संसदीय बोर्डको बैठक बस्ने छ ।
Recent Visitors: 4
तपाईको प्रतिक्रिया के छ?
+1
+1
+1
+1
+1
+1
+1
