काठमाडौँ — नेपाल रग्बी संघले दशरथ रंगशालामा पाँचौं राष्ट्रिय रग्बी फिफ्टिन्स रग्बी लिग फागुन ६ देखि १२ सम्म आयोजना गर्ने भएको छ ।
प्रतियोगितामा त्रिभुवन आर्मी, नेपाल पुलिस, एपीएफ क्लब र गोर्खाली रग्बी क्लब काठमाडौंको सहभागिता रहने मंगलबार पत्रकार सम्मेलनमा संघका अध्यक्ष दीपक देवकोटाले बताए ।
सिंगल राउन्ड लिगका आधारमा प्रतिस्पर्धा हुने लिग विजेताले ७५ हजार र उपविजेताले ५० हजार रुपैयाँ पुरस्कार पाउन संघका महासचिव गोविन्द घिमिरेले बताए ।
संघले सहभागी सबै टोलीका लागि तयारी खर्चस्वरुप ५ लाख रुपैयाँ प्रदान गर्ने जनाएको छ । लिगमा सहभागी टोलीले २१ देखि २६ खेलाडी राख्न पाउनेछ । विभागीयबाहेक गोर्खाली टोलीले चाहेमा ५ विदेशी खेलाडी राख्न पाउने प्रावधान छ ।
सेयर: 0
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
