रुकुम पश्चिम। रुकुम पश्चिमको चौरजहारी नगरपालिकामा प्रथम वडा कप हुने भएको छ । जिल्लाको चौरजहारी नगरपालिका १२ स्थित पातिहान्ल भन्ने ठाउँमा खुल्ला वडा स्तरीय पुरुष भलिबल हुने भएको हो ।
वडाको लेखबेसी युवा क्लबको आयोजनामा आगामी बैशाख १ देखी ३ सम्म खेल संचालन हुने आयोजक लोकेन्द्र खत्रीले जानकारी दिनु भएको हो ।
पालिकाकै अग्लो ठाउँ पातिहाल्न लेखमा पहिलो पटक कप संचालन हुन लागेको हो, उहाले भन्नुभयो जुन ठाउँलाइ नगरपालिकाले पर्यटकीय स्थल बनाइरहेको छ ।
खेलमा प्रथम पुरस्कार ५० ००० दोस्रो पुरस्कार ४० ००० र तेसो पुरस्कार ३० ००० राखिएकोमा दर्ता शुल्क ५००० राखिएको छ । खेल सुद्द वडा स्तरीय हुने यदि कुनै टिमले वडा भन्दा बाहिरको खेलाडी राखेमा टिमलाई स्वत नकाउट गरिने आयोजक समिति ज्ञान बिक्रम वलि ले बताउनु भएको हो ।
उहाँका अनुसार खेलाडी अनिवार्य आफ्नो खेल पोशाकमा खेल मैदानमा आउन पर्ने, खेल अबधिभर खाना बस्नको ब्यबस्था आफै गर्नुपर्ने र खेलाडी खेल खेल्नु पुर्ब आफ्नो नागरिकताको प्रतिलिपी आयोजकलाई बुझाउनु पर्ने खेलका नियम रहेका छन ।
यसका साथै खेलाडीले चैत्र ३० गते साझ ५ बजेसम्म आफ्नो टिम दर्ता गरिसक्नुपर्ने छ भने बैशाख १ गते बिहान १० बजे देखि खेल संचालन हुनेछ ।
जसको मिडिया पाटनरमा भने थाइल्यान्ड नेपाल रहेको छ । प्रतियोगिता थाइल्यान्ड नेपाल डटकमको आधिकारिक फेसबुक पेज, युटुब लगायतका प्लेटफाम मार्फत लाईभ अपडेट तथा समाचार अपडेट हुनेछन् ।
