काठमाडौं । कांग्रेस नेता डा शेखर कोइरालाले नेकपा माओवादी नेतृत्वको सरकार परिवर्तनको विकल्प नभएको बताउनुभयो । विराटनगर विमानस्थलमा बिहीबार संवाददाताहरूसँग कुरा गर्दै कोइरालाले माओवादी नेतृत्वको सरकारले जनताका समस्या समाधान गर्न असफल भएको आरोप लगाउनुभयो । उहाँले यो सरकारले जनतामा आशसम्म जगाउन नसक्ने सरकार परिवर्तनको विकल्प नभएको बताउनुभयो ।
कांग्रेस नेतृत्वको सरकारले मात्रै देशमा विद्यमान समस्या समाधान गर्ने कोइरालाको दाबी थियो । यो सरकारसँग जनता निराश भएका छन् । जताततै भ्रष्टाचार र व्यथिति मौलाएको छ । उनले भने, ’जतिसक्दो चाँडो सरकार परिवर्तन गर्नुपर्छ र सरकारको नेतृत्व कांग्रेसले लिनुपर्छ ।
अहिलेको नेतृत्वबाट देशले निकास पाउँदैन । कोइरालाले सरकारको असक्षमताका कारण मुलुकमा आर्थिक, राजनैतिक, सामाजिक र सांस्कृतिक अराजकता मौलाएको छ ।’ कांग्रेसले मात्रै मुलुकको समस्या समाधान गर्न नेता कोइरालाको तर्क थियो ।
