बाग्लुङमा बस दुर्घटना हुँदा चालक सहित ८ जनाको मृत्यु (अपडेट)

रुकुमपश्चिम । बाग्लुङमा बस दुर्घटना हुँदा चालक सहित ८ जनाको मृत्यु भएको छ । रुकुम पश्चिमबाट काठमाडौंका लागि छुटेको बागमती प्रदेश ०१–००६ ख ३८७९ नम्बरको बस बागलुङको निसीखोला गाउँपालिका–६ जाउलेपानीमा दुर्घटना भएको हो ।

दुर्घटनामा ७ जना यात्रुको घटनास्थलमै मृत्यु भएको इलाका प्रहरी कार्यालय बुर्तिबाङका प्रहरी निरीक्षक राजकुमार विकले जानकारी दिनुभयो । दुर्घटनामा चालकको पनि मृत्युभएको छ । उहाँका अनुसार दुर्घटनामा २५ जना घाइते रहेका छन् । घाइतेहरूको प्रहरी र स्थानीयले उद्धार गरी उपचारका लागि प्राथमिक स्वास्थ्य केन्द्र बुर्तिबाङ पठाइएको प्रहरी निरीक्षक विकले जानकारी दिनुभयो ।

बस मध्यपहाडी लोकमार्गबाट १ सय ५० मिटर तल खसेको प्रहरी निरीक्षक विकले बताउनुभयो । मृतक र घाइतेहरूको नाम खुल्न सकेको छैन ।