एजेन्सी । सदस्यताको विषय छलफल सुरु गर्ने सहमति बनेको केही घण्टापछि नै हंगेरीले युक्रेनका लागि युरोपियन युनियन (ईयू) को ५० अर्ब युरो बराबरको सहायता रोकेको छ । हंगेरीका प्रधानमन्त्री भिक्टोर ओरबानले सामाजिक सञ्जालमार्फत युक्रेनलाई थप रकम प्रदान गर्ने निर्णयमा भिटो प्रयोग गरेको जानकारी दिएका हुन् । ईयूका नेताहरूले युक्रेनका लागि आर्थिक सहायताबारेको छलफल अब अर्को वर्षको सुरुवातबाट पुनः सुरु गरिने बताएका छन् । रुसविरुद्धको युद्धमा युक्रेन ईयू र अमेरिकाको आर्थिक सहायतामा निर्भर रहेको छ । ईयूका नेताहरूले बिहीबार युक्रेन र मोल्डोभासँग सदस्यताबारे छलफल सुरु गर्ने निर्णय गरेसँगै ओरबानले सहायता रकम रोक्न भिटो प्रयोग गरेको जानकारी दिएका थिए । हंगेरीले लामो समयदेखि युक्रेनलाई ईयूको सदस्यता दिने विषयमा आपत्ति जनाउँदै आएको छ । तर, उसले यसमा भने भिटो प्रयोग गरेन । युरोपियन काउन्सिलका अध्यक्षका प्रवक्ताले यो निर्णय सर्वसम्मत रूपमा गरिएको जानकारी दिए । युक्रेनका लागि राष्ट्रपति भ्लादोमिर जलेन्स्कीले सदस्यताका लागि छलफल सुरु गर्ने ईयूको निर्णय आफ्नो देश र युरोपका लागि जीत भएको दाबी गरे ।
विश्व नेपाली साहित्य महासङ्घ, म्यान्मा–थाई समन्वय शाखामा नयाँ नेतृत्व चयन : अध्यक्षमा ओमप्रकाश न्यौपाने र महासचिवमा दीपा राणा
बैंकक, थाइल्याण्ड- विश्वका विभिन्न कुनामा पुगेका नेपालीहरूले आफ्नो भाषा, साहित्य, संस्कार तथा संस्कृतिको जगेर्ना र विस्तारलाई तीव्रता दिइरहेका बेला थाइल्याण्ड र म्यान्मामा पनि नेपाली भाषा–साहित्यको गतिविधि थप सक्रिय बन्दै गएको…


