काठमाडौं ।रुकुम पश्चिमको आठबिसकोट नगरपालिकामा गएराति ट्याक्टर दुर्घटना हुँदा पाँच जनाको मृत्यु भएको छ । राडी बजारबाट घर्तीगाउँ जाँदै गरेको रा १ द–४६ नम्बरको ट्¥याक्टर आठबिस–१० मा दुर्घटना हुँदा पाँच जनाको घटनास्थलमै मृत्यु भएको कर्णाली प्रदेश प्रहरी कार्यालय सुर्खेतले जनाएको छ ।
मुत्यु हुनेमा आठबिसकोट नगरपालिका–१०, नाउलाका ४६ वर्षीय लोकबहादुर शाही, उनकी ४२ वर्षिया श्रीमती चुट्की शाही, सोही ठाउँका भैडाँडा बस्ने ५२ वर्षीय हरदर साकी, ४८ वर्षीय धनराम सार्की र ४७ वर्षिया निर्मला सार्की रहेका छन् ।
प्रहरीका अनुसार कोट इर्जाखोला नजिकै भएको दुर्घटनामा अन्य ९ जना घाइते भएका छन् । अहिले घाइतेको स्थानीय आठबिसकोट अस्पतालमा उपचार भइरहेको छ । दुर्घटना लगत्तै घटनास्थलमा एम्बुलेन्स, प्रहरी र नगरप्रहरी खटिएको प्रदेश प्रहरी कार्यालयका सूचना अधिकारी वरिष्ठ प्रहरी उपरीक्षक (एसएसपी) वीरबहादुर ओलीले बताउनु भयो । उहाँले फरार ट्¥याक्टर चालकलाई समेत नियन्त्रणमा लिइसकेको जानकारी दिनुभयो ।
