थाइल्याण्ड । थाइल्याण्डकालागि नयाँ राजदूत धनबहादुर ओली र इन्चार्ज प्रकाश अधिकारीसँग एनआरएनए थाइल्याण्ड निर्वाचन समितिका सदस्यहरुको टोलीले छलफल तथा भेटवार्ता गरेको छ । नयाँ राजदूतकालागि सिफारिस भइ आउनुभएका ओली र अध्यक्ष भविन्द्र बस्नेत, उपाध्यक्ष जेम्स गौतम र उपाध्यक्ष सरोज खनालको नेतृत्वमा टोलीले भेट गरेको हो ।
भेटमा टोलीले नयाँ राजदूत ओलीलाई बधाइ तथा सफल कार्यकालको शुभकामना दिएको थियो । एनआरएनए थाइल्याण्डले यहि साता औपचारिक बधाइ तथा शुभकामना कार्यक्रमको आयोजना गर्ने र सो कार्यक्रममा उपस्थितिकालागि निमन्त्रणा पनि दिएको छ ।
भेटमा राजदुत ओलीले आफ्नो कार्यकालमा थाइल्याण्डमा रहेका नेपालीहरुलाई आवश्यक सहयोग गर्ने प्रतिवद्धता जनाउनुभएको थियो । भेटमा एनआरएनए थाइल्याण्ड इसी कमिटिका लिडर तथा अध्यक्ष भविन्द बस्नेत, उपाध्यक्ष जमिस गौतम, सरोज खनाल लगायतका सहभागि हुनुहुन्थ्यो ।
