वीरगंज । मधेशका नागरिका लागि आफ्नो ज्यान आहूती दिने मधेश आन्दोलनका सहिदको सालिकमा जनता समाजवादी पार्टी(जसपा) का केन्द्रीय अध्यक्ष अशोक राई तथा संघीय सरकारका खानेपानीमन्त्री प्रदीप यादवले माल्यार्पण गरेका छन् ।
शनिबार वीरगंजमा मधेश आन्दोलनका सहिदहरुको सालिकमा अध्यक्ष राई तथा जसपाका उप हासचिव समेत रहेका नेपाल सरकारका खानेपानीमन्त्री यादवले एक कार्यक्रमकाबीच माल्यार्पण गरेको सचिवालयले जनाएको छ ।
वीरगंजको घण्टाघरमा रहेको सहिदहरुको सालिकमा अध्यक्ष राई तथा मन्त्री यादवले बिहान माल्यार्पण गरेकोे मन्त्री यादवका स्वकीय अधिकृत हरिन्द्र साहले जानकारी दिए ।
उक्त कार्यक्रममा जसपा केन्द्रीय सदस्य तथा वीरगंज महानगरका नगरप्रमुख राजेशमान सिंह, पुर्वमन्त्री मोहनलाल चौधरी, जिल्ला समन्वय समितिका प्रमुख अजय सराफ, बुहँरामाई नगरपालिकाका नगर प्रमुख सिहासन सातेली लगायतका नेता कार्यकताहरुले पनि सहिदको सालिकमा माल्यार्पण गरेका थिए ।
मधेश आन्दोलनका क्रममा प्रहरीको गोली लागेर उनीहरुको मृत्यु भएको थियो । मृत्यु भएसँगै मधेशमा आन्दोलन चर्किएको थियो ।
त्यसयता प्रत्येक वर्ष माघ ५ गतेलाई जसपासहित मधेश केन्द्रित दलहरुले बलिदानी दिवसका रुपमा मनाउने गरेको छ । आजको दिन ती दलहरुले विभिन्न कार्यक्रमको आयोजना समेत गर्ने गरेका छन् ।
