जनकपुरधाम । महोत्तरीको मठिहानी नगरपालिका-६ मा बुधबार दिउँसो १ बजे सल्केको आगोबाट अहिलेसम्म १०० भन्दा बढी घर जलेर नष्ट भएको छ ।
आगलागीमा परेर एक सयभन्दा बढी घर जलेर नष्ट भएको मटिहानी नगरपालिकाका मेयर हरि मण्डलले जानकारी दिए ।
उनका अनुसार आगलागी नियन्त्रणमा लिन जलेश्वर, मटिहानी, रामगोपालपुर, गौशाला र जनकपुर उपमहानगरपालिकाका १० वटा बारुणयन्त्र, ३०० भन्दा बढी सुरक्षाकर्मी परिचालन भएको छ । तर, तीव्र गतिमा हावा चलेका कारण आगलागी नियन्त्रणमा लिन सकिएको छैन । आगलागीबाट घर जलेपछि सयौँ परिवार विस्थापित भएका छन् ।
घटनास्थल पुगेर मधेश प्रदेशका भौतिक पूर्वाधार तथा विकासमन्त्री सरोज यादवले आगलागीपीडितलाई भेटेका छन् । उनले घर पुनर्निर्माणका लागि सरकारले आवश्यक सहयोग गर्ने आश्वासन पनि दिएका छन् ।
सेयर: 7
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
