एमाले महासचिव पोखरेल चढेको गाडी दुर्घटना, घटना गुपचुप[फोटो सहित]

काठमाडौं । नेकपा (एमाले) का महासचिव शंकर पोखरेल चढेको गाडी शनिवार दुर्घटनामा परेपनि आजमात्रै घटना बाहिर आएको छ । महासचिव चढेको म १ च ३६९ नम्बरको गाडी शनिबार दिउँसो साढे तीन बजे दैलेखको डुंगेश्वरमा दुर्घटनामा परेको थियो ।

चुप्रा बजार नजिकै गाडी सडक छेउमा पल्टिएको थियो। महासचिव पोखरेल सकुशल छन् । एमाले महासचिव पोखरेल पार्टी दैलेख जिल्ला कमिटीको आठौं अधिवेशन उद्घाटनका लागि जाँदै थिए ।

गाडीमा पाँच जना सवार रहेको र दुर्घटनामा एमाले कर्णालीकी उपसचिव पद्मा खड्काको हात भाँच्चिएको छ ।

दैलेखका प्रहरी प्रमुख डिएसपी किशोर लम्सालले दुर्घटना महासचिव पोखरेल सकुशल रहेको र गाडी शनिबार नै सडकबाट उठाएर ग्यारेजमा बनाउन लगिएको जानकारी दिनुभयो ।