प्रचण्ड हुरीमा दियो बलेको देख्दा
रमाउँछन् मान्छे यहाँ ढलेको देख्दा।
दया र मायाको आश गर्नु व्यर्थ छ
उपहास गर्छन् यो मन गलेको देख्दा।
जसलाई सुम्पिएँ जीवनको यो गोरेटो
आश्चर्य लाग्छ मेरै बाटो छलेको देख्दा।
कस्तो विडम्बना छ यो स्वार्थी नगरमा
आत्तिन्छन् मान्छे अघि पाइला चलेको देख्दा।
नखोज्नु यात्री तिमी मलम यो सहरमा
आगो ताप्ने धेरै छन् घर जलेको देख्दा।
सेयर: 24
यो खबर पढेर तपाईलाई कस्तो महसुस भयो ?
+1
3
+1
+1
+1
+1
+1
+1
