थाईल्याण्ड, ४ डिसेम्बर २०२४ – थाईल्याण्डमा बसोबास गर्ने नेपाली समुदायका लागि १५ डिसेम्बर २०२४, आइतबार, विशेष सांगीतिक कार्यक्रमको दिन हुनेछ। चर्चित गायिका अञ्जु पन्तले पहिलो पटक थाईल्याण्डमा आफ्नो प्रस्तुति दिन लागेकी छिन्। बैंककको इम्यानुएल नेपाली चर्च, वट प्रयाख्राईमा दिउँसो १:३० बजे आयोजना हुने यस कार्यक्रममा अञ्जु पन्तका लोकप्रिय गीतहरू प्रस्तुत गरिनेछ।
अञ्जु पन्त नेपाली संगीतमा एक विशिष्ट स्थान ओगट्ने गायिका हुन्, जसले आफ्नो आवाज र गीतहरूमार्फत लाखौंको मन जितेकी छिन्। यस कार्यक्रमले थाईल्याण्डमा रहेका नेपालीहरूलाई आफ्ना प्रिय कलाकारलाई प्रत्यक्ष रूपमा हेर्ने र सुन्ने दुर्लभ अवसर प्रदान गर्नेछ।
कार्यक्रम निःशुल्क प्रवेशको व्यवस्था गरिएको छ। सिट सीमित भएकाले आयोजकहरूले इच्छुक व्यक्तिहरूलाई अग्रिम रूपमा स्थान सुरक्षित गर्न अनुरोध गरेका छन्। सहभागी हुन चाहनेहरूले ८६९९१९४२१ मा सम्पर्क गर्न सक्नेछन्।
थाईल्याण्डमा रहेका नेपाली समुदायलाई यो कार्यक्रमले सांगीतिक मनोरञ्जनको साथसाथै नेपाली कला र संस्कृति प्रति अझ नजिक ल्याउने अपेक्षा गरिएको छ। यस अवसरमा सहभागी भई सांगीतिक यात्राको आनन्द लिन सबैलाई निमन्त्रणा गरिएको छ।
