इलाम । इलाममा हुने उपनिर्वाचनका लागि जिल्ला प्रशासन कार्यालय इलामले अन्तर्राष्ट्रिय सीमा बन्द गरेको छ ।
निर्वाचनलाई प्रभावकारी ढङ्गले सम्पन्न गराउने उद्देश्यले आज राती १२ बजेदेखि निर्वाचनको दिन वैशाख १५ गतेराति १२ बजेसम्म सीमानाका बन्द गरिएको प्रमुख जिल्ला अधिकारी इन्द्रदेव यादवले बताउनु भयो ।
नाका बन्द भएपछि नेपाल–भारत सीमा क्षेत्रबाट नेपाल–भारत आवतजावत गर्न बन्द भएको छ ।
निर्वाचनका दिन सवारी साधन सञ्चालनका विषयमा भने निर्णय भइ नसकेको प्रजिअ यादवले बताउनुभयो । भोलि बिहीबार सर्वदलीय बैठकले निर्णय गर्ने छ ।
यसैबिच, भारतमा वैशाख १४ गते हुने दोस्रो चरणको लोकसभा निर्वाचनका लागि भारतीय पक्षबाट हिजो मङ्गलबार बेलुका देखिनै नाका बन्द भएको जनाइएको छ ।
सेयर: 2
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
